Një 41-vjeçar i kërkuar nga Interpol për vrasje është arrestuar nga policia e Roterdamit në Holandë.
Mediat vendase shkruajnë se bëhet fjalë për Hektor Mahmutaj i cili është dënuar me 25 vjet në mungesë për vrasjen e një bariu.
Hektor Mahmutaj është një emër i njohur, pasi prej disa vitesh jetonte duke u fshehur në Angli, por u zbulua pas denoncimit të ish-gruas për një armë pa leje, ndërsa shmangu ekstradimin.
Po ashtu shqiptari u gjet që të ketë falsifikuar dokumente greke, gjë e cila u zbulua pas kontrollit që iu bë dokumentave të tij.
Në vitin 2007 Mahmutaj ishte në Liverpul, ku u dënua me 2.5 vjet burg për armëmbajtje pa leje.