Policia e Vlorës asgjëson 9 parcela me 14.205 rrënjë bimë narkotike kanabis të mbjella në 6 fshatra në të gjithë qarkun e Vlorës, ndërsa në pranga kanë rënë katër persona të dyshuar si kultivues të drogës.
Në fshatin Kuç–Vlorë, është gjetur dhe asgjësuar 1 parcelë me 1200 rrënjë bimë narkotike, me lartësi deri në 40 cm, ndërsa u arrestuan në flagrancë 2 kultivuesit e këtyre bimëve narkotike:
Qemal Baraj, 50 vjeç, banues në fshatin Llakatund – Vlorë.
Virion Baraj, 33 vjeç, banues në fshatin Bishan – Vlorë.
Në fshatin Mekat–Vlorë, është gjetur dhe asgjësuar 1 parcelë me 800 rrënjë bimë narkotike, me lartësi deri në 45 cm dhe u arrestuan në flagrancë 2 kultivuesit e këtyre bimëve narkotike:
Orges Feta, 25 vjeç, banues në fshatin Shushicë–Vlorë.
Anastas Bregaj, 38 vjeç, banues në fshatin Llakatund–Vlorë.
Gjithashtu, Policia ka zbuluar dhe asgjësuar edhe 7 parcela të tjera me 12.205 rrënjë bimë narkotike, të mbjella në 4 fshatra të Vlorës (Armën-Vlorë, Dushkarak-Vlorë, Dhrovjan-Sarandë dhe Vergo-Delvinë), me lartësi qe varionin deri në 100 cm.
Policia ka bërë asgjësimin e bimëve narkotike me djegie, ndërsa po punohet për identifikimin dhe kapjen e kultivuesve të tjerë.