Ashtu siç ishte parashikuar, protesta në Fier ka nisur në orën 11:00. Sipas burimeve mediatike mësohet se ka pasur një përplasje mes qytetarëve dhe policisë në këtë qytet, të cilët kanë tentuar të bllokojnë rrugën. ‘Rama ik, Rama ik”, brohorasin qytetarët, të cilët sipas gazetarit Alfred Gurraj janë të shumtë në numër. Qytetarë nga Berati, Lushnja janë mbledhur në Fier që është një nga 5 pikat në vend që do të bllokojë rrugën për 60 minuta. Konkretisht aksi që do bllokohet është ai Lushnjë-Fier (rreth-rrotullimi i Plugut).
Ndërkohë edhe në Tiranë ka nisur grumbullimi i mbështetësve të PD- së në rrethrrotullimet të cilat parashikuar të bllokohen deri në orën 12:00. Kryetari i PD-së Lulzim Basha ndodhet në rreth rrotullimin “Shqiponja”. Ndërsa më herët shefi i komisariatit nr 3 i bëri thirrje protestuesve me megafon të mos bllokojnë lëvizjen.