280 muxhahedinët e fundit i janë drejtuar Shqipërisë. Ata u larguan të premten nga Iraku, ndërsa vitet e fundit kampet e tyre ishin sulmuar disa herë.
Sipas një marrëveshje të ndërmjetësuar nga Shtetet e Bashkuara të Amerikës dhe agjencisë së refugjatëve, në Kombet e Bashkuara, pothuajse 1900 muxhahedinë, opozitarët iranianë të strehuar në kampe të ndryshme në Irak do të vinin në Shqipëri.
Këtë “operacion” e ka përshëndetur edhe senatori amerikan John McCain. “I shpreh falënderimet e mia më të thellë Qeverisë së Shqipërisë për mikpritjen e këtij grupi dhe guximin në përpjekjet e saj për të zgjidhur këtë krizë humanitare. Gatishmëria e Shqipërisë për të siguruar strehim për muxhahedinët është një testament i vërtetë për frymën dhe vlerat e popullit shqiptar”, ka thënë McCain.