Policia ka gjetur të djegur në Vinjoll të Kurbinit mjetin e autorëve të vrasjes së zyrtarit të OSHEE, Saimir Jaku. Autorët dyshohet se kanë braktisur mjetin pasi janë ndjekur nga policia.
Saimir Jaku u ekzekutua mëngjesin e 9 shtatorit në një lokal në qendër të Rrëshenit, ku kishte shkuar për të pirë një kafe. Sipas informacioneve paraprake dy autorët kanë qenë të maskuar.
Në vendin e ngjarjes janë gjetur 20 gëzhoja automatiku. Policia ka bërë disa shoqërime për të ndihmuar në zbardhjen e vrasjes së Saimir Jakut i cili mbante postin e Drejtorit të Tensionit të Lartë për Veriun e vendit ndërsa nga 1 shtatori 2016 kishte kaluar në pozicionin e shefit të Sektorit të Asistencës Teknike Skada plus GIS në Drejtorinë Qendrore të Tensionit të Lartë në Tiranë.