Dështon Prokuroria e Krimet e Rënda për hetuar dosjen e 5 punonjësit të sigurisë me akuzën e shpërdorimit të detyrës, pas grabitjes së rreth 1 milion eurove në aeroportin “Nënë Tereza”, mesditën e 30 qershorit.
Këtë të martë, gjykata e krimeve të rënda vendosi të rrëzojë vendimin e gjykatës së shkallës së parë të gjykuar, pasi nuk janë provuar element të veprës penale që rojet e sigurisë të kenë bashkëpunuar me grabitësit e parave, raporton Vizion+.
Gjithashtu, ky vendimi i Apelit për moskopetencë e rikthen edhe njëherë çështjen e grabitjes në prokurorinë e rrethit Krujë. Nga ana tjetër, Prokuroria e Krimeve të Rënda në kryeqytet, edhe pse kërkoi të zbardhë të gjitha tabulatet telefonike të punonjësve të ICTS Arben Karafili, Bledar Blloshi, Fadil Jonuzaj si dhe kryetarin e degës Teknike të Aeroportit, Vangjel Nikolla përsëri nuk arritën të provonte implikimin e tyre në grabitjen e parave në terminalin e Rinasit.
Në këto rrethana prokurori i çështjes Olsi Çela ka kërkuar më shumë kohë për të hetuar dosjen e pesë punonjësve të sigurisë, por u rrëzua nga gjykata e apelit.
Burimet e akuzës theksojnë se ngjarja e datës 30 qershor është më e sofistikuar se sa duket në të vërtet, duke e klasifikuar anëtaret e grabitjes si pjese e grupit te strukturuar kriminal, por qe deri tani nuk ka asnjë te dyshuar.
Ndërkohe, grabitësit kanë pasur informacion të detajuar për mënyrën se si mund të futen në pistën e aeroportit nga ndonjë punonjës i shkarkuar më parë.