Një zjarr ka rënë në dhomat e paraburgimit në burgun e Shënkollit. Sipas informacioneve të para, zjarri ka rënë në një nga qelitë në katin e dytë të ndërtesës së këtij burgu.
Rojet menjëherë kanë reaguar duke i nxjerrë të dënuarit në ambientet e ajrosjes. Fatmirësisht nuk njoftohet për ndonjë të lënduar nga kjo ngjarje.
Ende nuk dihen shkaqet e rënies së zjarrit, por detaje të reja pritet të dalin në orët në vijim.