Ndonëse policia zbardhi brenda pak orësh krimin e rëndë në Tiranë që i kushtoi jetën 22-vjeçarit Marvi Mihali, arma e krimit ende nuk është gjetur.
Dyshohet se autori i dyshuar Eugen Bitraj, 24 vjeç e hodhi thikën me të cilën qëlloi mbi Marvi Mihalin në lumin e Lanës. Efektivë të shumtë të policisë së Tiranës janë vënë në kërkim të thikës, e cila përbën provën kryesore të krimit që tronditi Tiranën dhe i mori jetën një 22-vjeçari.
Policia ka arrestuar 4 persona për vrasjen: Eugen Bitraj, (autori i dyshuar) dhe si bashkëpunëtorë Dejvi Bitraj, 19 vjeç; Kridens Alla, 19 vjeç dhe Marsel Alla, 23 vjeç.