Janë zhbllokuar pas dy orësh, faqet e disa institucioneve kryesore të vendit si KQZ, Kryeministria dhe Ministria e Brendshme.
Pas orës 21:00 të mbrëmjes portalet e disa institucioneve më të rëndësishme të vendit u bllokuan pas ngarkesës në serverat e AKSHI, por pak orë më pas ato rifilluan të hapen.
Jashtë shërbimi doli portali i Komisionit Qendror të Zgjedhjeve, siç njofton vetë KQZ-ja.
Por përveç saj raportohet se u bllokuan edhe portalet e Kryeministrisë dhe Ministrisë së Brendshme.
Është ende e paqartë se cili ka qenë shkaku i bllokimit njëkohësisht të këtyre portaleve.
Por nuk përjashtohet mundësia e ndonjë sulmi nga hakera të huaj.