Dy persona janë ekzekutuar me armë zjarri brenda makinës së tyre tip “Audi” në autostradën Tiranë- Durrës.
Ngjarja ka ndodhur rreth orës 13:45 në mbikalimin e Sukthit, ndërsa njëri nga viktimat është Ervin Dalipaj.
Dalipaj është një emër i njohur, pasi ka qenë ish-shefi i krimit ekonomik në Tiranë dhe i akuzuar për vrasje.
Dalipaj ka qenë në kërkim, pasi akuzohej për ekzekutimin e Gazmend Çollakut ne bashkëpunim, por ende nuk dihet nëse ka lidhje me këtë ngjarje vrasja e sotme.
Makina ku ndodheshin ky viktimat është qëlluar me breshëri plumbash duke i lënë të vdekur menjëherë.
Policia ka mbërritur në vendin e ngjarjes duke nisur hetimet për zbardhjen e ngjarjes.
Ndërkohë që janë marrë në pyetje edhe dëshmitarët, që mund të kenë parë autorët e vrasjeve mafioze.