Një ngjarje e rëndë është shënuar mesditën e 4 prillit në qytetin e Durrësit. Një 25 vjeçar ka vrarë gjyshen e tij 80 vjeçare dhe më pas veten.
Ngjarja e rëndë ndodhi në lagjen nr 10 Durrës.
Viktimat, Marsid Curri, 25 vjeç dhe gjyshja e tij H. C, 80 vjeçe janë gjetur pa shenja jete në banesë në orën 12: 15 minuta të mesditës së sotme.
“Banesa ka qenë e mbyllur me çelës nga brenda. Nga hetimet paraprake dyshohet se nipi ka vrarë gjyshen e tij dhe më pas veten”, informon policia e Durrës.
Në vendngjarje është gjetur një automatik.
Marsid Curri kishte vetëm pak muaj që kishte dalë nga burgu pasi kishte kryer dënimin për një vrasje.
Ai vrau një bashkëmoshatarin e tij pas një sherri në diskotekë, kur ishte vetëm 14 vjeç.
Por ngjarja e sotme, nuk ka qenë e vetmja tragjike e familjes Curri.
Vëllai i Ersidit, është vrarë shtatë vjet më parë me plumb pas koke.
Gjashtë muaj pas vrasjes së tij, është vrarë edhe babai i Ersidit.
Sipas fqinjëve ai ishte një djalë me probleme, por ata nuk e dinin se gjyshja e tij jetonte me të pasi ajo nuk dilte fare nga banesa.
Kanë qenë fqinjët që kanë dëgjuar të shtënat në banesë dhe më pas kanë lajmëruar policinë.