Një zjarr i rënë në një pallat 10 katësh në zonën e Freskut në Tiranë është bërë shkak ditën e sotme për vdekjen e 1 personi.
Zjarri ka rënë në papafingon e ndërtuar me material druri në pallat dhe më pas është përhapur me shpejtësi në kabllot e ashensorit. Pikërisht në ashensor u gjet dhe trupi i pajetë i një gruaje të moshës 30 vjeç.
Sipas të dhënave të para dyshohet se gruaja ka gjetur vdekjen nga asfiksia.
Shërbimi zjarrfikës punoi rreth 1 orë për shuarjen e flakëve. Ishin 3 zjarrfikëse që bënë të mundur lokalizimin e flakëve deri në shuarjen e plotë të tyre.
Vështirësitë u shtuan për shkak se zjarri ra në papafingo në katin e 10-të.
Ende nuk dihen shkaqet e zjarrit që përfshiu pallatin.