Një biznesmen është dhunuar me sende të forta në ambientet e karburantit të tij në qytetin e Elbasanit.
Ngjarja ka ndodhur në fshatin Labinot Fushë ku gjatë një konflikti për motive të dobëta biznesmeni Ylli Salla është goditur me sende të forta.
Pas plagëve të marra në kokë Salla është dërguar për ndihmë mjekësore në Spitalin Kirurgjik Elbasan ku ndodhet jashtë rrezikut për jetën.
Policia ndodhet në vendngjarje dhe po punon për kapjen e autorit dhe zbardhjen e plotë të rrethanave të ngjarjes.