Quantcast
Channel: Aktualitet – Tirana Observer
Viewing all articles
Browse latest Browse all 4640

HISTORIA/ Itali, shqiptarja vdes te dera e spitalit, familja kërkon hetim

$
0
0

Një 66-vjeçare shqiptare humbi jetën në urgjencën e spitalit në qytezën Maniago në Itali për shkak të një ataku kardiak.

Familja nuk akuzon asnjë, megjithatë i kërkon prokurorisë të hetojë nëse është respektuar i gjithë protokolli i urgjencës

“Nuk e di nëse ndërhyrja e ambulancës mund ta kishte shpëtuar nënën time por besoj se nuk është e drejtë të vdesësh në këtë mënyrë. U ndjemë të braktisur dhe kjo nuk duhet të ndodhë kur flasim për jetë njerëzish” thotë Arjana Spiri vajza e viktimës, shkruan Ora News

Shqiptarja Liri Spiri prej vitesh me banim në Itali ishte goditur nga një atak kardiak në orën 17:30 minuta të së premtes së kaluar (30 dhjetor 2016)  në hyrje të spitalit.

Rreth orës 16: 50 minuta vajza e saj kishte telefonuar për ndihmën e shpejtë por dyshohet se bluzat e bardha nuk e kanë quajtur urgjente telefonatën duke e ngatërruar simptomat e infarktit me atë të gripit.

“Nëna ime kishte temperaturë të lartë, por më shqetësoi frymëmarrja e vështirë” tregon në lot, Ariana- Pas orës 17:00 ajo ka telefonuar ambulancën, por i është thënë se nëse ka grip atëherë duhej ti drejtohej mjekut të familjes”.

“Ky i fundit ishte me pushimet e fundvitit atëherë i telefonova zëvendësit të tij, i cili me të kuptuar gjendjen e rëndë më tha se do nisej por duheshin 15 minuta të mbërrinte në shtëpinë e tyre. “Nëna ime përkeqësohej moment pas momentit dhe më thoshte që ishte shumë keq. Atëherë mora makinën e vrapova drejt spitalit. Me të mbërritur tek dera e spitalit u rrëzua pa ndjenja. Provuan ti jepnin frymë, deri kur në orën 18: 15 minuta na komunikuan se vdiq”, thotë Arjana Spiri

Prokuroria tashmë ka sekuestruar kartelën klinike dhe regjistrimin e telefonatës dhe ka nisur veprimet. Ndërkohë sot 66-vjeçarja do të përcillet për në banesën e fundit.


Viewing all articles
Browse latest Browse all 4640

Trending Articles



<script src="https://jsc.adskeeper.com/r/s/rssing.com.1596347.js" async> </script>