Një magazinë me 700 kg marijuanë është zbuluar në qytetin Mamurrasit, në ish-ndërmarrjen e grumbullimit, ku lënda narkotike ishte futur në 15 thasë.
Në këtë operacion kanë marrë pjesë forcat speciale nga Tirana si dhe forcat e ndërhyrjes së shpejtë. Janë ndaluar deri në këto momente 7 persona, ndër ta dhe pronari i lëndës narkotike, emri i të cilit ende nuk është bërë i ditur.
Policia ka sekuestruar një armë tip kallashnikov, granata dore dhe municione.
Të arrestuarit janë dërguar në Drejtorinë e Policisë së Lezhës e prej andej në Krimet e Rënda.