Një efektiv policie ka vdekur, ndërsa 2 të tjerë kanë mbetur të plagosur sonte në një aksident automobilistik pranë shkollës “Ibrahim Rugova” në Kamëz.
Furgoni i patrullës së policisë vendore është përlasur nga pas nga një mjet tip “Fuoristradë” me targa TR 8788T që po lëvizte me shpejtësi të lartë.
Furgoni i policisë është përmbysur nga goditja, ndërsa është demtuar dhe nje automjet i tretë që ishte i parkuar.
Si pasojë e përplasjes së mjeteve ka humbur jetën efektivi E. Haxhiaj rreth 42 vjeç, ndërsa kanë mbetur të plagosur dy kolegët e tij B.Voi dhe N.Hoxha.
Të plagosurit janë transportuar drejt spitalit për ndihmë mjekësore.
Policia ka shoqëruar në komisariat drejtuesin e automjetit A.K që shkaktoi aksidentin.
Grupi hetimor ka mbërritur në vendngjarje dhe pritet të japë detaje në vijim.
