Menjëherë pas publikimit të lajmit se kryeprokurori është kërcënuar dhe për këtë arsye ka larguar edhe familjen nga Shqipëria, reagon për herë të parë Adriatik Llalla.
Në njoftimin e shpërndarë për mediat bëhet me dije se Prokuroria po vijon normalisht punën dhe se “nuk ka asnjë cënim në ecurinë e hetimeve që po zhvillohen në të gjithë strukturat e institucionit”.
“Lidhur me interesimin Tuaj, pas lajmit të publikuar në televizionin Top Channel, me titull: “Kërcënohet Adriatik Llalla, kryeprokurori detyrohet të largojë familjen nga Shqipëria”, dëshirojmë të theksojmë se, si Prokurori i Përgjithshëm, ashtu edhe institucioni i Prokurorisë vijojnë normalisht aktivitetin në bazë të ligjit dhe nuk ka asnjë cënim në ecurinë e hetimeve që po zhvillohen në të gjithë strukturat e institucionit”, thuhet në deklaratën e prokurorisë.